चैत ५, काठमाडौँ । आज मंगलबार बिहान क्रेष्ट माइक्रो लाइफ इन्स्योरेन्सको आईपीओ बाँडफाँट भएको छ। कम्पनीको आईपीओ शेयर निष्काशन तथा बिक्री प्रबन्धक एनआईएमबि एस क्यापिटलको कार्यालयमा सो बाँडफाँट भएको हो।
कम्पनीले सर्वसाधारण
लगानीकर्ताहरुका लागि गत फागुन २२ गतेदेखि २६ गतेसम्म प्रतिकित्ता १०० रुपैयाँ
अंकित मूल्यका १८ लाख ४५ हजार कित्ता शेयर निष्काशन गरेको थियो। कुल १९ लाख ६५
हजार ८११ जनाले २ करोड २७ लाख ३९ हजार ६५० कित्ता शेयर खरिदका लागि कम्पनीको
आईपीओमा आवेदन गरेका थिए। जसमध्ये १० हजार १२६ आवेदन रद्द भएको छ भने बाँकी १९ लाख
५५ हजार ६८५ आवेदन स्वीकृत भएको थियो ।
कम्पनीको आईपीओमा मागभन्दा बढी आवेदन परेकोले धितोपत्र
निष्काशन तथा बाँडफाँट नियमावली अनुसार गोलाप्रथा प्रक्रियामार्फत बाँडफाँट गरिएको
छ । गोलाप्रथा प्रक्रिया अनुसार कुल १ लाख ८४ हजार ५०० आवेदकले १० कित्ताका दरले
कम्पनीको शेयर प्राप्त गरेका छन्।
- न्युज बहार संवाददाता
