चैत
४, काठमाडौँ । नेप्से परिसूचक साताको पहिलो कारोबार दिन घटेर बन्द भएको छ । गएको बुधबारदेखि
ओरालो लाग्न थालेको नेप्सेले यस दिन पनि सोही क्रमलाई निरन्तरता दिएको हो ।
आज आइतबार नेप्से परिसूचक १०.६२ अंक(०.५१ प्रतिशत)ले घटेर
२०७०.२५ विन्दुमा बन्द भएको छ ।
यस दिन नेप्सेसँगै कारोबार
रकम पनि घटेको छ। बजारमा यस दिन ३०४ वटा शेयरको ६३ हजार ९ पटकको कारोबारमा ३ अर्ब
३८ करोड ७९ लाख रुपैयाँ बराबरको ८४ लाख ६ हजार कित्ता शेयर किनबेच भएको छ।
यस दिन नेप्से घट्दा
पनि सप्तकोशी डेभलपमेन्ट बैंकको शेयर भने सकारात्मक
सर्किट लेभलमा कारोबार भएको छ । यस दिन सर्वाधिक ७.८३ प्रतिशतले विन नेपाल
लघुवित्त वित्तीय संस्थाको शेयरमूल्य घटेको छ।
यस दिन कारोबार रकमका
आधारमा शिवम् सिमेन्ट्स शीर्ष स्थानमा रहेको छ। उक्त कम्पनीको यस दिन ४१ करोड ६४
लाख रुपैयाँ बराबरको शेयर कारोबार भएको छ।
आज कारोबारमा आएका १३
उपसमूहमध्ये १० उपसमूहको परिसूचक घटेको छ भने ३ उपसमूहको परिसूचक बढेको छ ।
आज उत्पादन तथा प्रशोधन
विकास बैंक र वित्त उपसमूहको परिसूचक सामान्य बढेको हो। सर्वाधिक १.५६
प्रतिशतले होटल तथा पर्यटन उपसमूहको परिसूचक घटेको छ ।
- न्युज बहार संवाददाता
