फागुन १७, काठमाडौँ । आज बुधबार
नेप्सेमा २४ अंकको गिरावट आएको छ ।आजको कारोबार दिन नेप्से परिसुचक २४ अंकले गटेर
१९९५ बिन्दुमा पुगेको हो। कारोबार सुरु भएको समयदेखि घट्न थालेको नेप्से अन्तिम
समयसम्ममा १.२१ प्रतिशतले घटेको थीयो। उक्त घट्ने क्रम १९९५ अंकमा मात्र आएर
रोकिएको छ।
नेप्से परिसूचक दोहोरो अंकले
घट्दाकारोबार रकम १ अर्ब २८ करोड ८३ लाख रुपैयाँमा सिमित भएको छ। यसक्रममा ३७ लाख
२९ हजार कित्ता सेयर किनबेच भएको नेप्सेले जनाएको छ। आजको कारिबार दिनमा आदर्श
लघुवित्त वित्तीय संस्थाका सेयरधनीले सबैभन्दा धेरै कमाएका छन्।
परिसूचक दोहोरो अंकले घट्दा सबै
समूहका सूचक घटेका छन्। कारोबार भएका १३ वटै सूचक घट्दा सबैभन्दा धेरै जीवन बीमा
समूहको सूचकमा १५६ अंकको गिरावट आएको छ। त्यस्तै उत्पादनमूलक समूहको सूचकमा १११
अंकको गिरावट आएको छ।
