पुस १८, काठमाडौँ । स्वास्थ्य तथा
जनसंख्या मन्त्रालयले कोभिड–१९ को सब भेरियन्ट जेएन.१ को जोखिम बढेको भन्दै सतर्कता अपनाउन
आग्रह गरेको छ ।
अहिले कोभिड—१९ को सब भेरियन्ट जेएन.१ संक्रमण दर उच्च रहेको छ ।
यसको संक्रमण पुष्टि छिमेकी देश भारतमा पनि भइसकेको छ । नेपालमा हालसम्म पुष्टि नभइसकेको भए पनि संक्रमण फैलिने जोखिम भने उच्च रहेको छ । भिडभाड हुने स्थानमा जनस्वास्थ्यका मापदण्ड पालना गर्न, मास्कको प्रयोग गर्न, भौतिक दूरी कायम राख्न र हात सरसफाइमा विशेष ध्यान दिन त्यसैले स्वास्थ्य मन्त्रालयले आग्रह गरेको छ ।
सीमा नाकाहरुमा छिटपुट मात्रामा कोभिड–१९ को संक्रमणका केसहरु देखिरहेका छन् ।
- न्युज बहार संवाददाता
