माघ १४, कञ्चनपुर । पछिल्लो समय कञ्चनपुर
पनि सिकलसेल एनिमिया तथा थालेसिमिया रोगको जोखिममा रहेको छ । जिल्ला स्वास्थ्य
कार्यालयले रानाथारु समुदायमा यो रोगको जोखिम देखिएपछि निःशुल्क स्वास्थ्य
शिविरबाट एक हजार पाँच सय ५० जनाको रगत परीक्षण गरेको थियो । रगत परीक्षण गरिएका
मध्ये ४६ जनामा सिकलसेल एनिमिया रोग देखिएको छ ।
कञ्चनपुरको
शुक्लाफाँटा नगरपालिका, बेदकोट
नगरपालिका र भीमदत्त नगरपालिकामा परीक्षण गरिएकामध्ये एक सय ९९ मा बाहक (ट्रेट)
देखा परेको स्वास्थ्य कार्यालयका सिकलसेल एनिमिया तथा थालेसिमिया रोगसम्बन्धी
स्रोत व्यक्ति सिद्धराज भट्टले जनाएका छन ।
भट्टका अनुसार बाहक (ट्रेट) देखापरेका एक सय ९९
जनाको रगतको अन्तिम जाँच गर्दा ४६ जनामा सिकलसेल एनिमिया भएको पुष्टि भएको हो त्यी मध्ये १२ जनामा गम्भीर खालको
रोग देखिएको हो ।
उनका
अनुसार बाहक देखिएका एक सय ९९ मध्ये २२ महिला र २४ पुरुषमा सिकलसेल एनिमिया रोग
देखिएको हो । उनले बाहक(ट्रेट) देखा परेका महिला तथा पुरुषले विवाह गर्दा रगत
परीक्षण गरेर मात्रै गर्नुपर्ने बताएका छन ।
