कार्तिक
२९, काठमाडौँ । आज भाइटिका दिदिबहिनिले दाजुभाइलाई पुज्ने दिन । ‘निधारमा लर्काएर सप्तरंगी
टिका’ भन्ने गितमा भने जस्तै दाजुभाइको निधारमा सप्तरंगी टिका र गलामा माला लगाइने
दन । तर, के
तपाइँलाई थाहा छ शास्त्रीय मान्यताको कुरा? शास्त्रीय मान्यता भने आम धारणा र चलनचल्तीभन्दा
भिन्न रहेको छ । शास्त्रका अनुसार तिहारमा सप्तरंगी होइन, पञ्चरंगी टीका लगाउनुपर्छ ।
नेपाल
पञ्चाङ्ग निर्णायक विकास समितिका पूर्वअध्यक्ष प्रा.डा. रामचन्द्र गौतमले भाइटीकाका
दिन सेतो, रातो, हरियो, पहेँलो र नीलो गरी पाँच रंगको टीका
लगाउने भनेर शास्त्रमा लेखिएको बताउँछन् ।
तर परम्पराअनुसार
नै धेरै स्थानमा सात रंगका (सप्तरंगी) टीका लगाइदिने चलन पनि रहेको छ ।
भाइटीका लगाउँदा
लगाइदिने र लगाउने व्यक्ति कुन दिशामा फर्किने भन्ने कुराको पनि ख्याल गर्नुपर्ने
हुन्छ । टीका थाप्न अर्थात टिका लगाउन बसेका व्यक्तिले चन्द्रमालाई सम्मुख वा
दायाँ तिर पार्नुपर्ने हुन्छ ।
पञ्चाङ्ग
निर्णायक विकास समितिका सदस्य प्रा.डा. देवमणि भट्टराईका अनुसार यस वर्ष भाइटीका लगाइमाग्ने
दाजुभाइ पूर्व र लगाइदिने दिदीबहिनी पश्चिम फर्कनुपर्ने हुन्छ ।
आजको दिन दिदीबहिनी
दाजुभाइहरुले एकअर्कालाई टीका र माला लगाइदिएर , ऐश्वर्य, येश, समृद्धि र दीर्घायुको कामना गर्ने
गर्दछन।
- न्युज बहार संवाददाता
