बैशाख २७, काठमाडौँ। यौन दुर्व्यवहार सम्बन्धी एक मुद्दामा अमेरिका पूर्वराष्ट्रपति डोनाल्ड ट्रम्प दोषी ठहरिएका छन् ।
न्युयोर्कको सिभिल कोर्टले उनलाई यौन दुर्व्यवहारमा दोषी ठहर्याउँदै पीडितलाई क्षतिपूर्ति वाफत ५० लाख डलर दिनुपर्ने फैसला सुनाएको बीबीसीले जनाएको छ ।
ई. जीन केरल नामकी एक म्यागेजिनकी लेखिकाले सन् १९९० मा ट्रम्पले आफूलाई यौन दुर्व्यवहार गरेको र आफ्नो मानहानी समेत गरेको आरोप लगाएकी थिइन् ।
सोही मुद्दामा अहिले फैसला हुदा ट्रम्पलाई दोषी ठहर्याएको बीबीसीले बताएको छ । आगामी राष्ट्रपति चुनावमा प्रतिस्पर्धा गर्ने ट्रम्पको योजनामा यो फैसलाले झड्का लागेको छ ।
- न्युज बहार संवाददाता
