असोज ३, काठमाडौँ । भारत र क्यानाडाबीचको सम्बन्ध थप पेचिलो बन्दै गएको छ । खालिस्तानी नेता हरदीप सिंह निज्जरको हत्याको विषयलाई लिएर तनावग्रस्त बनेको दुइ देशको सम्बन्ध अहिले थप पेचिलो बन्दै गएको हो ।
कूटनीतिज्ञलाई मंगलबारसम्ममा देश निकाला गर्ने प्रतिस्पर्धामा उत्रिएका भारत र क्यानडाले बुधबार एक अर्काविरुद्ध थप दबाब बनाएका छन् ।
क्यानडाले मंगलबार राति भारतमा रहेका आफ्ना नागरिकलाई सतर्क रहन भन्दै ट्राभल एडभाइजरी अपडेट गरेको थियो । भारतले त्यसको २४ घण्टा नबित्दै क्यानडामा रहेका आफ्ना नागरिकलाई ट्राभल एडभाइजरी जारी गरेको छ ।
ट्राभल एडभाइजरी जारी गर्दै भारतले क्यानडामा रहेका आफ्ना नागरिकलाई अत्यधिक सावधानी अपनाउन, क्यानाडामा भारत विरोधी गतिविधिहरू भएको क्षेत्रहरूमा सम्भावित स्थानहरूमा यात्रा नगर्न, सतर्क रहन र कुनै अप्ठेरो परेको खण्डमा भारतीय नियोगहरूलाई जानकारी गराउन जनाएको छ ।
- न्युज बहार संवाददाता
