साउन ८, काठमाडौँ । ग्रिसको एक जंगलमा भिषण आगलागी भएको छ। जंगलमा भिषण आगलागी भएपछि १९ हजार भन्दा बढी मानिसहरुलाई आगलागी भएको क्षेत्र आसपासबाट सुरक्षित स्थानमा स्थानान्तरण गरिएको छ । अझ पनि मानिसरुको स्थानान्तरण जारी रहेकाले यो संख्या बढ्न सक्ने अनुमान गरिएको छ ।
लोकप्रिय पर्यटकीय क्षेत्र रोड्स द्वीपबाट १९ हजार मानिसहरुलाई स्थानान्तरण गरिएको हो भने त्यसबाहेक अर्को द्वीप कोर्फुबाट पनि मानिसहरुलाई स्थानान्तरण गर्न सुरु गरिएको ग्रिसको आपतकालीन सेवाले सूचना जारी गर्दै जानकारी दिएको छ।
त्यसैगरी कोर्फु द्वीपका आधा दर्जन बस्ती खाली गराउन आइतबार बेलुका ग्रिसको आपतकालीन सेवाले सूचना जारी गर्दै निर्देशन दिएको छ ।
देशको अग्निशमन सेवाले यो आगलागीको सामनालाई सबैभन्दा कठिन घटना भनेको बीबीसीका उल्लेख गरेको ।
- न्युज बहार संवाददाता
