चैत २२, काठमाडौँ । सिक्किमको गान्तोक–नाथुला सडक खण्डमा आएको हिमपहिरोमा परी तीन नेपालीसहित सात जनाको मृत्यु भएको समाचार एजेन्सीले जनाएको छ। उक्त हिमपहिरोमा परी करिब एक दर्जन घाइते भएका छन् ।
गान्तोकका अधिकारीहरुले मृत्यु हुने नेपालीहरुमा चितवनका आशिका ढकाल र शिवप्रसाद लामिछाने तथा रुपन्देहीकी मुना शाह श्रेष्ठ रहेको जानकारी दिएको छ । अन्य मृतकहरु भने भारतको पश्चिम बंगाल, उत्तरप्रदेश र कोलकाता सहरका रहेकाछन् ।
मंगलबार दिउँसो सवा १२ बजे तिर गान्तोक–नाथुलापास जोड्ने जवाहरलाल नेहरु सडकमा गएको हिमपहिरोमा ५–६ वटा सवारी साधनसहित २०–३० जना पर्यटक पुरिएको आशंका गरिएको इन्डियन एक्सप्रेसको समाचारमा उल्लेख गरिएको छ।
- न्युज बहार संवाददाता
