बैशाख ३,
काठमाडौँ । मौसम पूर्वानुमान महाशाखाका अनुसार हाल नेपालमा स्थानीय वायु र पश्चिमी
वायुको आंशिक प्रभाव रहेको छ। यसको प्रभावले सोमबार सुदूरपश्चिम प्रदेश, कर्णाली प्रदेश,
लुम्बिनी प्रदेश र गण्डकी प्रदेश लगायत देशको पहाडी भू-भागमा
आंशिक देखि साधारणतया बदली रही बाँकी भू-भागमा आंशिक बदली देखी मौसम मुख्यतया सफा
रहने छ।
आज कर्णाली प्रदेश, गण्डकी प्रदेश
र कोशी प्रदेशका पहाडी भू-भागको थोरै स्थानहरू र बाँकी पहाडी भू-भागको एक-दुई
स्थानमा मेघगर्जन र चट्याङसहित हल्का वर्षाको सम्भावना रहेको छ भने लुम्बिनी
प्रदेश तथा सुदूरपश्चिम प्रदेशका थोरै स्थानहरूमा मध्यान्ह पछि हावा हुरीको
सम्भावना रहेको छ महाशाखाले जनाएको छ ।
- न्युज बहार संवाददाता