साउन २७, काठमाडौँ । फिल्म ‘महाभोज’ अब ओटीटी प्लाटफर्ममा हेर्न सकिने भएको छ । यो फिल्मलाई ‘एमएसएम’ले प्लाटफर्ममा रिलिज गरेको हो ।
दिनेश राउतको निर्देशनमा बनेको फिल्म राजनीतिक भ्रष्टाचारमा आधारित रहेको छ । यस फिल्ममा सर्वसाधारणले सहकारी संस्थामा बचत गरेको निक्षेपलाई कसरी दलले स्वार्थमा प्रयोग गर्दा सामाजिक संकट आउँछ भन्ने देखाइएको छ ।
विकास सुवेदीको लेखन तथा हिमाल कडरियाको निर्माण रहेको फिल्म ‘महाभोज’ मा खगेन्द्र लामिछाने, दयाहाङ राई, आर्यन सिग्देल, मलिका महत, अञ्जना बराइली, बुद्धि तामाङ, गौमाया गुरुङ, , मोहन निरौला, वसुन्धरा भुसाल, कमलमणि नेपाल, लगायतका कलाकारको अभिनय छ । यो फिल्म गत जेठ ३० गतेदेखि हलमा रिलिज भएको थियो ।
- न्युज बहार संवाददाता
