असोज १०, काठमाडौँ । सेवा निवृत्त भएका राजनीतिक तथा प्रशासनिक पदाधिकारीहरूले कानुन विपरीत पाउँदै आएको सेवा सुविधा रोक्न अर्थ मन्त्रालयले गृह र रक्षा मन्त्रालयलाई पत्र पठाएको छ।
अर्थ मन्त्रालयले प्रचलित कानुनअनुसार
नपर्ने सवारी साधन, जिन्सी सामान, सहयोगी कर्मचारी र सुरक्षाकर्मी फिर्ता
गराउन तथा अन्य गैरकानुनी सेवा–सुविधा बन्द गराउन
गृह मन्त्रालयलाई निर्देशन दिएको हो।
५ असोजमा बसेको मन्त्रिपरिषद्को बैठकले
अनुत्पादक खर्च घटाउने र मितव्ययिता कायम गर्ने निर्णय गरेसँगै, उक्त निर्णय कार्यान्वयन गर्न अर्थ
मन्त्रालयले यो पहल थालेको हो। यसअघि नै अर्थ मन्त्रालयले चालु खर्चमा व्यापक
कटौती गर्ने निर्णय गरिसकेको छ।
- न्युज बहार संवाददाता
