जेठ १६, काठमडौँ । अहिले सजिनमा पाइने फलफुल मध्ये मेवा पनि एक हो । गर्मीमा मेवा खानु निकै फाइदाजनक हुन्छ । मेवा प्रशस्त मात्रामा फाइबर इन्छ र यसमा प्यापेन नामक इन्जाइम पनि रहेको हुन्छ । 

मेवाले हाम्रो पेट सफा गर्न मद्दत गर्दछ । यसले शरीरमा जम्मा भएर बसेको बोसो घटाउन पनि मद्दत गर्छ । मेवाले कलेजो सफा गर्न निकै प्रभावकारी हुन्छ । यसले कब्जियतबाट पीडित व्यक्तिहरूको लागि मेवा एकदमै अचुक खाना मानिन्छ । मेवाले पेटमा जम्मा भएको फोहोरलाई हटाएर कब्जियतबाट राहत दिने काम गर्छ ।

अर्को तर्फ जन्डिसका बिरामीका लागि मेवा निकै फाइदाजनक हुन्छ । मेवामा हुने त्यस्ता धेरै तत्त्वहरूले हाम्रो शरीरमा उत्पादन हुने बिलिरुबिनलाई नियन्त्रण गर्न मद्दत गर्छन र यसले शरीरमा जन्डिसको जोखिम कम गर्छन । 

मेवा खानाले हाम्रो पाचन शक्ति बढ्ने र पेटसँग सम्बन्धित धेरै समस्याहरू हटेर जाने हुन्छ । हरेक मौसममा मेवा खाँदा स्वास्थ्य फाइदा नै हुन्छ । 

• सृजना प्याकुरेल