बैशाख १२, चितवन। चितवन २ मा भएको प्रतिनिधि सभा सदस्य उपनिर्वाचनमा रास्वपाका सभापति रवि लामिछानेको जित निश्चित भएको छ।
निर्वाचन आयोगका अनुसार मंगलबार बिहानसम्म ५० हजार बढी मत गणना हुँदा लामिछानेले ४० हजार भन्दा बढी मत ल्याईसकेका छन्।
त्यस्तै उनका प्रतिस्पर्धी रहेका नेपाली कांग्रेसका जितनारायण श्रेष्ठको मत ७१४८ मात्र रहेको छ। उनीहरूबीचको लगभग ३० हजार को मतान्तर रहेको छ।
कुल ७८२७७ मत चितवन-२ मा आइतबार भएको उपनिर्वाचनमा खसेको थियो।
अब २८ हजार मत मात्र गन्न बाँकी छ। यसरी हेर्दा अहिले नै रवि लामिछानेले प्रतिस्पर्धीसँग २९ हजारको मतान्तर कायम गरेकाले उनको जित सुनिश्चित भएको हो।
- न्युज बहार संवाददाता
