साउन १९, दोलखा । दोलखा जिल्लाको गौरीशंकर गाउँपालिका–७ टोपाटारमा पहिरो खस्दा एक जनाको शिशुको मृत्यु भएको छ । पहिरोमा परी तीन जना बेपत्ता समेत भएका छन् भने अन्य तीन जना घाइते भएका छन। बिहिबार राति ९ बजेतिर वस्तीभन्दा करिब ४०० मिटर माथिबाट पहिरो बगेको थियो ।
जिल्ला प्रहरी कार्यालय दोलखाले उक्त पहिरोमा परी गौरीशंकर गाउँपालिका–७ का टोपबहादुर थामीका १५ महिनाको छोरा प्रिन्स थामीको मृत्यु भएको जनाएको छ ।
- न्युज बहार संवाददाता
