जेठ
२, काठमाडौँ । आज बुधबार नेप्से परिसूचक घटेको छ । पछिल्ला ४ कारोबार दिनदेखि बढेको
नेप्से आज घटेर बन्द भएको हो ।
यस
दिन नेप्से परिसूचक ९.५४ अंक(०.४७ प्रतिशत)ले घटेर २०१७.९७ विन्दुमा बन्द भएको छ।
यस दिन नेप्सेसँगै कारोबार रकम पनि घटेको छ। बजारमा यस दिन ३१५ स्टकको ५५ हजार
८६२ पटकको कारोबारमा ३ अर्ब ७० करोड ८४ लाख रुपैयाँबराबरको ८४ लाख ९० हजार कित्ता
शेयर खरिदबिक्री भएको हो।
आज बुधबार दुई स्टकको
शेयर सकारात्मक सर्किट लेभलमा कारोबार भएको छ। यस दिन युनिक नेपाल लघुवित्त र उपकार
लघुवित्त वित्तीय संस्थाको शेयर सकारात्मक सर्किट लेभलमा कारोबार भएको छ भने गुराँस
लघुवित्त वित्तीय संस्थाको शेयर भने नकारात्मक सर्किट लेभलमा कारोबार भएको छ।
यस दिन कारोबार रकमका
आधारमा पिपुल्स पावर शीर्ष स्थानमा रहेको छ। उक्त कम्पनीको आज ११ करोड ८९ लाख
रुपैयाँ बराबरको शेयर खरिदबिक्री भएको छ ।
आज कारोबारमा आएका १३
उपसमूहमध्ये १० उपसमूहको परिसूचक घटेको छ भने ३ उपसमूहको परिसूचक बढेको छ ।
आज उत्पादन तथा प्रशोधन
उपसमूहको परिसूचक सर्वाधीक १.४० प्रतिशतले बढ्दा विकास बैंक उपसमूहको
परिसूचक सर्वाधिक ०.९६ प्रतिशतले घटेको छ।
- न्युज बहार संवाददाता
