असार
२३, काठमाडौँ । सोमबार साताको दोस्रो कारोबार दिन नेप्से परिसूचक घटेर बन्द भएको
छ। पछिल्लो ६ कारोबार दिनदेखि बढिरहेको नेप्सेमा यस दिन ब्रक लागेको हो।
आज
नेप्से परिसूचक २२.३५ अंकले घटेर २६८४.०१ विन्दुमा झरेको छ।
नेप्से सँगै यस दिन
कारोबार रकम पनि घटेको छ। बजारमा यस दिन ३११ स्टकको ७१ हजार ३१३ पटकको कारोबारमा ८
अर्ब ३७ करोड ७३ लाख २७ हजार रुपैयाँबराबरको १ करोड ९४ लाख १५ हजार कित्ता शेयर
खरिदबिक्री भएको छ।
यस दिन सर्वाधिक ६.५६ प्रतिशतले माथिल्लो मैलुङ्ग खोला
जलविद्युत कम्पनीको शेयरमूल्य बढेको छ। यस दिन सर्वाधिक १० प्रतिशतले कारोबारमा
आएको राप्ती हाइड्रो एण्ड जनरल कन्स्ट्रक्सनको शेयरमूल्य घटेको छ।
यस दिन कारोबार रकमका आधारमा नेपाल पुनर्बीमा कम्पनी
शीर्ष स्थानमा रहेको छ। उक्त कम्पनीको यस दिन ८० करोड ७० लाख रुपैयाँबराबरको शेयर
कारोबार भएको छ।
आज कारोबारमा आएको १३
उपसमूहमध्ये २ उपसमूहको परिसूचक बढेको छ भने ११ उपसमूहको परिसूचक घटेको छ। यस दिन
होटल तथा पर्यटन र म्युचुअल फण्ड उपसमूहको परिसूचक सामान्य बढेको हो।
यस दिन वित्त उपसमूहको
परिसूचक सर्वाधिक ३.७६ प्रतिशतले घटेको छ।
- न्युज बहार संवाददाता
