बैशाख
२९, काठमाडौँ। नेपालको केन्द्रिय बैंक नेपाल राष्ट्र बैंकले बैंकदर घटाएको छ।
आज शुक्रबार मौद्रिक
नीतिको तेस्रो त्रैमासिक समीक्षा सार्वजनिक गर्दै राष्ट्र बैंकले बैंकदरलाई ८.५
प्रतिशतबाट घटाएर ७.५ प्रतिशत कायम गरिएको हो।
केन्द्रीय बैंकले
मौद्रिक नीतिको समीक्षामा उल्लेख गरेको छ 'मौद्रिक नीतिको कार्यदिशालाई मुद्रास्फीति र विदेशी विनिमय सञ्चितिको
वर्तमान अवस्था र सम्भावित परिदृश्यको आधारमा समष्टिगत आर्थिक स्थायित्व कायम
राख्दै आन्तरिक आर्थिक गतिविधिहरू चलायमान बनाउन सहयोग पुर्याउने गरी सजगतापूर्वक
केही लचिलो बनाइएको छ।'
राष्ट्र बैंकले बैंकदरलाई ८.५ प्रतिशतबाट घटाएर ७.५ प्रतिशत कायम नीतिगत दरलाई ७ प्रतिशतमा यथावत राखेको जनाएको छ।
यस्तै, ब्याजदर करिडोरअन्तर्गतका अन्य दरहरूलाई यथावत राखिएको छ।
- न्युज बहार संवाददाता
