साउन ७, काठमाडौँ । आज बुधबार नेप्से परिसूचक सामान्य अंकले बढेर बन्द भएको छ।
बुधबार नेप्से परिसूचक ५.१७ अंकले
बढेर २९७८.८८ विन्दुमा पुगेको छ।
यस दिन नेप्से बढेता पनि कारोबार रकम भने मंगलबारको तुलनामा सामान्य
घटेको छ। बजारमा यस दिन ३१९ स्टकको १ लाख ७० हजार ३१८ पटकको कारोबारमा १९ अर्ब ५७
करोड ५२ लाख रुपैयाँबराबरको ४ करोड ४८ लाख ६६ हजार कित्ता शेयर खरिदबिक्री भएको छ।
दुई स्टक(ट्रेड टावर र सान्भि इनर्जी)को
शेयर यस दिन सकारात्मक सर्किट लेभलमा कारोबार भएको छ। यस दिन सर्वाधिक ५.३२
प्रतिशतले भुगोल इनर्जी डेभलपमेन्टको शेयरमूल्य घटेको छ।
यस दिन कारोबार रकमका आधारमा हिमालयन रि इन्स्योरेन्स शीर्ष स्थानमा रहेको छ। उक्त
कम्पनीको यस दिन ७८ करोड १० लाख रुपैयाँबराबरको शेयर कारोबार भएको छ।
आज कारोबरमा आएको १३ उपसमूहमध्ये यस
दिन ७ उपसमूहको परिसूचक बढेको छ भने ६ उपसमूहको परिसूचक घटेको छ। यस दिन सर्वाधिक
३.२३ प्रतिशतले वित्त उपसमूहको परिसूचक बढेको छ। कारोबारमा आएको होटल तथा पर्यटन
उपसमूहको परिसूचक सर्वाधिक १.१० प्रतिशतले घटेको छ।
- न्युज बहार संवाददाता
