मंसिर १०, काठमाडौँ । आइतबार साताको पहिलो कारोबार दिन नेप्से
परिसूचक ४७.७५ अंक (०.५६ प्रतिशत) १९०७.९५ बिन्दुमा बन्द भएको छ।
आइतबार
नेप्से परिसूचकसँगै अघिल्लो दिनको तुलनामा कारोबार रकम पनि बढेको छ।
यस दिन २९४ वटा धितोपत्रको ६५ लाख ३०
हजार ६४३ कित्ता सेयर किनबेचबाट २ अर्ब १ करोड १७ लाख ६३ हजार ३५८ रूपैयाँको
कारोबार भएको छ ।
यसदिन
भगवती हाइड्रोपावर र छ्याङ्दी हाइड्रोपावरको सेयर मूल्य सर्वाधिक १० प्रतिशतले बढेको
छ भने सेयर मूल्य सर्वाधिक २.४७ प्रतिशतले घट्नेमा इन्फिनिटी लघुवित्त रहेको छ।
आज
नेप्सेमा सोनापुर मिनरल्सको सर्वाधिक कारोबार भएको छ।
यस कम्पनीको आज प्रतिकित्ता २९३
रूपैयाँ ३० पैसामा ११ करोड ६६ लाख बराबरको सेयर कारोबार भएको छ।
त्यसैगरी आज कारोबारमा आएका १३ वटा समूहगत
परिसूचकमध्ये सबै समूहको परिसूचक बढेको छ।
आज सर्वाधिक ४.४४ प्रतिशतले जीवन
बीमा समूहको परिसूचक बढेको छ भने ३.९१ प्रतिशतले वित्त समूहको परिसूचक बढेको
छ।
- न्युज बहार संवाददाता
