फागुन ४ गतेदेखि निष्काशन तथा बिक्री खुला गरेको मोलुङ्ग
हाइड्रोपावर कम्पनी लिमिटेडले आईपीओमा आवेदन दिने आज फागुन १० गते अन्तिम दिन
रहेको छ। कम्पनीले आयोजना प्रभावित क्षेत्रका स्थानिय बासिन्दा तथा विदेशमा बसी
रोजगार गरिरहेका नेपालीहरुका लागि निष्काशन गरेको आईपीओ बाँडफाँट गरेपश्चात
सर्वसाधारणका लागि आईपीओ निष्काशन गरेको हो।
कम्पनीको आईपीओमा न्यूनतम १० कित्ताका लागि आवेदन दिनु पर्नेछ
भने अधिकतममा ८ हजार कित्ताका लागि आवेदन दिन सकिनेछ। सनराइज क्यापिटल लिमिटेड कम्पनीको शेयर
निष्काशन तथा बिक्री प्रबन्धक रहेको छ। लगानीकर्ताले नेपाल धितोपत्र बोर्डबाट
स्वीकृती प्राप्त गरेका सम्पूर्ण आस्बा सदस्य बैंक तथा वित्तीय संस्थाहरु र तिनका
तोकिएका शाखा कार्यालयहरुबाट सि–आस्बा
प्रणालीमार्फत आवेदन दिन सक्नेछन्।
आईपीओ निष्काशनका लागि गराएको रेटिङ्गमा इक्रा नेपालले
कम्पनीलाई इक्रा एनपी इस्यूअर रेटिङ्ग डबल बी रेटिङ्ग प्रदान गरेको छ। यसले
कम्पनीको वित्तीय दायित्व बहन गर्ने क्षमतामा औषत जोखिम रहेको संकेत गर्दछ।
