फागुन ९, काठमाडौँ । शेयर बजार परिसचुकले घट्ने क्रमलाई आज पनि निरन्तरता दिएको छ । नेप्से सूचकसँगै कारोबार रकम पनि निरन्तर घट्दो क्रममा रहेको छ।
बुधबार
नेप्से सूचक ६.४६ अंक (०.०३१ प्रतिशत) ले घटेर २०२६.५९ विन्दुमा बन्द भएको छ । यस
दिन २ अर्ब २४ करोड १९ लाख ६१ हजार ७९९ रुपैयाँ बराबरको ६३ लाख ४१ हजार १७४ कित्ता
शेयर खरिदबिक्री भएको छ।यसपटक पनि नेप्से सूचक
घटेर सपोर्ट जोनमा आइपुगेको छ ।
बुधबार हिमालयन उर्जा, बोटलर्स नेपाल (बालाजु) र
समाज लघुवित्तको शेयरमूल्य सबैभन्दा धेरै १० प्रतिशतले बढेको छ भने पिपुल्स
हाइड्रोपावरको शेयरमूल्य सबैभन्दा धेरै ७.८४ प्रतिशतले घटेको छ ।
यसदिन हिमालयन रि इन्स्योरेन्सको सबैभन्दा धेरै ११ करोड १२ लाख रुपैयाँको शेयर कारोबार भएको छ।
कारोबारमा आएका १३ उपसमूहमध्ये उत्पादन प्रशोधन बाहेक अन्य सबै १२ वटा उपमूहको सूचक घटेको छ । सबैभन्दा धेरै ०.८८ प्रतिशतले बुधबार हाइड्रोपावर उपसमूहको सूचक घटेको छ ।
- न्युज बहार संवाददाता
