असोज २९, काठमाडौँ ।  नेपाल विदुत् प्राधिकरण अहिले प्रिमियम मूलयमा आईपीओ निष्कासन गर्ने तयारीमा जुटेको छ । यस वर्ष पनि नेपाल विद्युत प्राधिकरणले ‘डबल ए प्लस क्रेडिट रेटिङ पाएको छ । इक्रा नेपाल लि.ले प्राधिकरणको क्रेडिट रेटिङ गरी ‘इक्रा एनपी डबल ए प्लस’ स्तरको रेटिङ प्रदान गरेको हो । प्राधिकरणले अघिल्लो वर्ष पनि सोही रेटिङ पाएको थियो ।

डबल ए प्लस रेटिङ पाउने संस्थासँगको वित्तीय कारोबारमा ज्यादै न्यून ऋण भुक्तानी जोखिम हुन्छ । डबल ए प्लस रेटिङ प्राप्त गर्ने संस्थाको आफ्नो वित्तीय तथा आर्थिक दायित्व समयमै वहन गर्न सक्ने उच्च क्षमता सुरक्षित रहन्छ ।

नेपाल विद्युत् प्राधिकरण ऐन, २०४१ बमोजिम प्राधिकरणले तेस्रो वित्तीय पुनर्संरचना गरी संस्थाको सेयर सर्वसाधारणमा जारी गर्ने प्रस्ताव अर्थ मन्त्रालयमा पेश गरिसकेको छ ।

प्राधिकरणले आफ्नो चुक्ता पूँजी करिब ३ खर्ब रुपैयाँ कायम गरी त्यसको १० प्रतिशत सार्वजसनिक निष्कासन गर्ने तयारी गरेको हो ।

प्राधिकरणले उक्त सार्वजनिक निष्कासनबाट प्रिमियमसहित करिब ६० अर्ब रुपैयाँ बराबरको स्रोत संकलन गर्ने प्रस्ताव गरेको छ ।

प्राधिकरणले सेयरको प्रतिकित्ता किताबी मूल्य करिब १२५ रुपैयाँ कायम गर्ने र त्यसमा त्यति नै अर्थात १२५ रुपैयाँ नै रकम प्रिमियम थप गरी सेयर निष्कासनको प्रस्ताव गरिएको जनाएको छ ।

• न्युज बहार संवाददाता