पुस २२, काठमाडौँ । आइतबार साताको पहिलो कारोबार दिन नेप्से परिसूचक घटेर बन्द भएको छ।
आज नेप्से परिसूचक २६.३६ अंक(१.२८
प्रतिशत)ले घटेर २०२२.९२ विन्दुमा बन्द भएको छ।
यस दिन नेप्सेसँगै कारोबार रकम पनि अघिल्लो
दिनको तुलनामा सामान्य घटेको छ। यस दिन ३०४ स्टकको ९८ हजार ६३२ पटकको कारोबारमा ५
अर्ब २४ करोड १४ लाख रुपैयाँ बराबरको १ करोड ५२ लाख ६८ हजार कित्ता शेयर
खरिदबिक्री भएको छ।
यसदिन नेप्से घटेपनि तीन स्टकको शेयर
सकारात्मक सर्किट लेभलमा कारोबार भएको छ। यस दिन मुक्तिनाथ कृषि कम्पनी, तेह्रथुम
पावर कम्पनी
र नेपाल वेयर
हाउजिङ्ग कम्पनीको शेयर सकारात्मक सर्किट लेभलमा कारोबार भएको छ भने यस दिन नेपाल
रिपब्लिक मिडिया, मानुषी लघुवित्त र शुभम पावरको शेयरमूल्य ६
प्रतिशतभन्दा बढी घटेको छ।
यस दिन सोनापुर मिनरल्स एण्ड आयल
लिमिटेडको सर्वाधिक कारोबार भएको छ ।
यस दिन १३
उपसमूहमध्ये जलविद्युत उपसमूहबाहेक अरु सबै उपसमूहको परिसूचक घटेको छ।
यस दिन सर्वाधिक
१.०३ प्रतिशतले जलविद्युत उपसमूहको परिसूचक बढेको छ भने यस दिन सर्वाधिक २
प्रतिशतभन्दा बढी जीवन बीमा र व्यापार उपसमूहको परिसूचक घटेको छ ।
- न्युज बहार संवाददाता
