असोज २१, काठमाडौँ । आफ्ना सेयरधनीहरुलाई आरएसडीसी
लघुवित्त वित्तीय संस्थाले ९.०५२६ प्रतिशत लाभांश दिने घोषणा गरेको छ ।
असोज १९ गते शुक्रबार बसेको सञ्चालक समितिको बैठकले सेयरधनीलाई आर्थिक वर्ष २०७९/८० को मुनाफाबाट उक्त लाभांश दिने प्रस्ताव गरेको हो ।
सेयरधनीलाई कम्पनीले हाल कायम चुक्ता पुँजी ८६ करोड ९५ लाख ६८ हजार २०० रुपैयाँको ८.६० प्रतिशत बोनस सेयर दिन प्रस्ताव गरेको हो । ०.४५२६ प्रतिशत नगद भने लाभांशमा लाग्ने कर प्रयोजनको लागि गरी कुल ९.०५२६ प्रतिशत लाभांश दिने प्रस्ताव गरेको हो ।
नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपछी प्रस्तावित लाभांश सेयरधनीमा वितरण हुनेछ ।
- न्युज बहार संवाददाता
