माघ
१५, काठमाडौँ । नेप्से परिसूचक साताको दोस्रो कारोबार दिन बढेर बन्द भएको छ। सोमबार
नेप्से परिसूचक १०.२६ अंक(०.४८ प्रतिशत)ले बढेर २१०४.७२ विन्दुमा बन्द भएको छ ।
यस दिन नेप्सेसँगै कारोबार रकम पनि बढेको छ। यस दिन ३११ स्टकको १ लाख ३ हजार
पटकको कारोबारमा ४ अर्ब ५६ करोड ६५ लाख रुपैयाँ बराबरको १ करोड २३ लाख २२ हजार
कित्ता शेयर कारोबार भएको छ।
आज
नेप्सेमा तीन स्टकको शेयर सकारात्मक सर्किट लेभलमा कारोबार भएको छ। यस दिन अरुण भ्याली
हाइड्रोपावर, यूनियन हाइड्रोपावर र मिड सोलु
हाइड्रोपावरको शेयर सकारात्मक सर्किट लेभलमा कारोबार भएको छ भने कारोबारमा आएको
गरिमा विकास बैंकको ऋणपत्रको मूल्य सर्वाधिक १० प्रतिशतले घटेको छ।
यस दिन कारोबार रकमका आधारमा हिमालयन रि इन्स्योरेन्स
शीर्ष स्थानमा रहेको छ।
१३ उपसमूहमध्ये १०
उपसमूहको परिसूचक बढेको छ भने ३ उपसमूहको परिसूचक घटेको छ। यस दिन सर्वाधिक १.६४
प्रतिशतले अन्य उपसमूहको परिसूचक बढेको छ ।
- न्युज बहार संवाददाता
