माघ
८, काठमाडौँ । सेयर बजार परिसूचक नेप्से निरन्तर ४ करोबार दिन घटेर पुनः २१००
विन्दुभन्दा तल झरेको छ। यस दिन न नेप्से परिसूचक ३१.४९ अंक(१.४७
प्रतिशत)ले घटेर २०९८.६९ विन्दुमा बन्द भएको छ।
यस दिन नेप्सेसँगै कारोबार रकम पनि घटेको छ। यस दिन ३०७ स्टकको
१ लाख ५० हजार पटकको कारोबारमा ६ अर्ब ३६ करोड ६० लाख रुपैयाँ बराबरको १ करोड ८०
लाख ४३ हजार कित्ता शेयर खरिदबिक्री भएको छ।
सोमबार
सर्वाधिक ९.९८ प्रतिशतले अप्पर साङ्गे हाइड्रोपावरको शेयरमूल्य बढेको छ भने सर्वाधिक
८.३३ प्रतिशतले दोर्दी खोला जलविद्युत कम्पनीको शेयरमूल्य घटेको छ।
यस दिन नेप्सेमा
हिमालयन रि इन्स्योरेन्सको सर्वाधिक कारोबार भएको छ ।
यस दिन कारोबारमा आएका १३
उपसमूहमध्ये व्यापार उपसमूहको परिसूचक बढेको छ भने बाँकी सबै १२ उपसमूह घटेको छ । आज
व्यापार उपसमूहको परिसूचक ०.३५ प्रतिशत बढेको हो।
यस दिन जलविद्युत
उपसमूहको परिसूचक सर्वाधिक २.२४ प्रतिशत घटेको छ।
- न्युज बहार संवाददाता
