मंसिर १४, काठमाडौँ । बिहीबार साताको अन्तिम कारोबार दिन नेप्से
परिसूचक १८.०६ अंक (०.९६ प्रतिशत)ले घटेर १८५८.५३
बिन्दुमा बन्द भएको छ।
यस दिन
नेप्से परिसूचक घटे पनि अघिल्लो दिनको तुलनामा कारोबार रकम भने बढेको छ।
यस दिन
२८९ वटा धितोपत्रको ४५ लाख ९५ हजार ५५३ कित्ता सेयर किनबेचबाट १ अर्ब १ करोड ४१
लाख ९५ हजार ५७५ रूपैयाँको सेयर कारोबार भएको छ ।
बिहीबार
रूरू जलविद्युतको सेयर मूल्य सर्वाधिक ५.६३ प्रतिशतले बढेको छ भने विजय लघुवित्त, माउन्टेन इनर्जीको १० प्रतिशतले
घटेको छ ।
आज नेप्सेमा नेपाल इन्स्योरेन्सको संस्थापक सेयरको सर्वाधिक
कारोबार भएको छ।
त्यसैगरी, आज कारोबारमा आएका १३ वटा
समूहगत परिसूचकमध्ये म्युचुअल फण्ड समूहको परिसूचक ०.११ प्रतिशतले बढेको छ भने
बाँकी सबै समूहको परिसूचक घटेको छ।
यसदिन सर्वाधिक
१.७३ प्रतिशतले जलविद्युत समूहको परिसूचक घटेको छ।
- न्युज बहार संवाददाता
