माघ १५, काठमाडौँ । मंगलबार नेप्से परिसूचक बढेर
बन्द भएको छ।
आज नेप्से परिसूचक
२४.५० अंकले बढेर २६५७.७७ विन्दुमा बन्द भएको छ ।
यस दिन नेप्सेसँगै कारोबार
रकम पनि बढेको छ। बजारमा यस दिन ३२५ स्टकको ९५ हजार ९७ पटकको कारोबारमा ९ अर्ब ४०
कराड २६ लाख ७८ हजार रुपैयाँ बराबरको १ करोड ९६ लाख ८० हजार कित्ता शेयर
खरिदबिक्री भएको छ।
यस दिन ६ स्टकको शेयर सकारात्मक सर्किट लेभलमा कारोबार
भएको छ। तिनिहरु क्रमश सिक्लेस हाइड्रोपावर, उपकार लघुवित्त वित्तीय
संस्था,
जानकी फाइनान्स, थ्रिस्टार
हाइड्रोपावर, सामुदायिक
लघुवित्त वित्तीय संस्था, न्यादी हाइड्रोपावरको रहेका छन । आज कारोबारमा आएको
दोल्ती पावरको शेयरमूल्य सर्वाधिक ८.४३ प्रतिशतले घटेको छ।
यस दिन कारोबार रकमका आधारमा सप्तकोशी डेभलपमेन्ट बैंक
शीर्ष स्थानमा रहेको छ। उक्त बैंकको यस दिन ३८ करोड २१ लाख रुपैयाँबराबरको शेयर
कारोबार भएको छ।
यस
दिन कारोबारमा आएको १३ वटै उपसमूहको परिसूचक बढेको छ। जसमध्ये सर्वाधिक ४.०७
प्रतिशतले विकास बैंक उपसमूहको परिसूचक बढेको छ ।
- न्युज बहार संवाददाता
