जेठ
३०, काठमाडौँ । नेप्से परिसुचक दोस्रो दिन पनि बढेको छ । बुधबार नेप्से परिसूचक ६.३७ अंक(०.३०
प्रतिशत)ले बढेर २१२१.६२ विन्दुमा बन्द भएको छ।
आज नेप्सेसँगै
कारोबार रकम पनि सामान्य बढेको छ । बजारमा यस दिन ३१२ स्टकको ७४ हजार ८५८ पटकको
कारोबारमा ५ अर्ब ८९ करोड ४० लाख रुपैयाँ बराबरको १ करोड २९ लाख कित्ता शेयर
कारोबार भएको हो ।
यस दिन ४ स्टकको शेयर
सकारात्मक सर्किट लेभलमा कारोबार भएको छ। मिड सोलु हाइड्रोपावर, समृद्धि फाइनान्स, ग्रीनलाइफ हाइड्रोपावर
र साधना लघुवित्त वित्तीय संस्थाको शेयर सकारात्मक सर्किट लेभलमा कारोबार भएको हो
यस दिन कारोबारमा आएको सयपत्री हाइड्रोपावरको शेयरमूल्य साढे ४ प्रतिशतले घटेको छ।
यस दिन कारोबार रकमका आधारमा एनआरएन इन्फ्रास्ट्रक्चर
एण्ड डेभलपमेन्ट शीर्ष स्थानमा रहेको छ। उक्त कम्पनीको यस दिन २७ करोड ६३ लाख रुपैयाँ
बराबरको शेयर कारोबार भएको हो ।
आज कारोबारमा आएका १३
उपसमूहमध्ये ९ उपसमूहको परिसूचक बढेको छ भने ४ उपसमूहको परिसूचक घटेको छ।
आज सर्वाधिक १.०७
प्रशितले वित्त उपसमूहको परिसूचक बढेको छ । यस दिन जलविद्युत, होटल
तथा पर्यटन, निर्जीवन
बीमा र व्यापार उपसमूहको परिसूचक भने घटेका छन।
- न्युज बहार संवाददाता
