कात्तिक ७, काठमाडौँ । सरकारले स्वास्थ्य बीमाबाट हुने उपचारको दायरा तथा बिमा रकम दुबै बढाउने
तयारी थालेको छ । सरकारी निकायका अनुसार स्वास्थ्य बीमा उपचारको दायरा बढेको
अवस्थामा बीमाको प्रिमियम रकम पनि बढ्ने छ ।
स्वास्थ्य
बीमामा नौ वर्ष यता एकाघरका पाँच जना सदस्यले वार्षिक ३५ सय रुपैयाँ प्रिमियम रकम
तिर्ने गरेका थिए । उक्त ३५ सय रुपैयाँ तिरे बापत परिवारको ५ जना सदस्यले एक लाख
रुपैयाँसम्मको औषधि उपचार गराउन पाउने व्यवस्था थियो ।
तर सरकारले
पछिल्लो पटक स्वास्थ्य बीमा उपचारको रकम पाँच लाख रुपैयाँ पुर्याउने तयारी थालेको
छ । यदी स्वास्थ्य बिमाको रकम पाँच लाख रुपैयाँ पुगेको खण्डमा यसको प्रिमियम १०
हजार हुन सक्ने स्वास्थ्य बीमा बोर्डले बताएको छ ।
- न्युज बहार संवाददाता
