पुस ६, काठमाडौँ । बालबालिकालाई
चाडपर्वका नाममा पोशाक किन्न लगाउने विद्यालयलाई कारबाही गर्ने काठमाडौँ
महानगरपालिकाले चेतावनी दिएको छ ।
महानगरका
शिक्षा अधिकारी सीताराम कोइरालाले केही विद्यालयले चाडपर्वका नाममा नियमित
विद्यालय पोशाकभन्दा फरक पोशाक किन्न बाध्य पारेको गुनासो आएको भन्दै सूचना
निकालेर त्यस्ता विद्यालयलाई कारबाही गर्ने चेतावनी दिएका छन् ।
सार्वजनिक सूचनामा
भनिएको छ, ‘तोकिएको
विद्यालय पोशाकबाहेक अन्य पोशाक किन्न विद्यार्थीलाई बाध्य नगर्न सबै विद्यालयलाई
अनुरोध गरिन्छ, कोही कसैले यस परिपत्र विपरीत कार्य गरेको पाइएमा काठमाडौँ
महानगरपालिका शिक्षा ऐन २०७५ (संशोधनसहित) र अन्य प्रचलित कानुनबमोजिम दण्ड सजाय
हुने व्यहोरा समेत जानकारी लागि अनुरोध छ ।’
- न्युज बहार संवाददाता
