पुस ६, काठमाडौँ । अबदेखि महानगरपालिकाभित्र सञ्चालित विद्यालयले अनुशासन इन्चार्ज (डिआई) राख्न नपाउने भएको छ।
महानगरपालिकाको शिक्षा विभागका प्रमुख सीताराम कोइरालाले सूचनामार्फत् शुक्रबार विद्यार्थीको अनुशासन कायम राख्न भन्दै डिआई नराख्न भनेका छन्।
सार्वजनिक सूचनामा भनिएको छ 'विद्यार्थीको अनुशासन कायम राख्न भन्दै अनुशासन इन्चार्ज राख्ने गरेको र त्यस्तो व्यक्तिले विद्यार्थीमा भय सिर्जना गराउने, मनोवैज्ञानिक रूपले नकारात्मक प्रभाव पार्ने गरेको तथा शारीरिक सजायसमेत दिने गरेको विषयमा गुनासो प्राप्त भएको छ।'
यस्तै, महानगरपालिकाले विद्यार्थीमैत्री
सिकाइ वातावरण सिर्जना गर्न विद्यालयमा अनुशासन इन्चार्ज नराख्न सूचनामार्फत् आह्वान गरेको हो ।
- न्युज बहार संवाददाता
