कार्तिक १०, काठमाडौँ । आज आश्विन शुक्ल त्रयोदसीका दिन पनि मान्यजनका घर घरमा गइ नवदुर्गाको प्रसाद स्वरुप टीका र आशीर्वाद थाप्ने क्रम जारी रहेको छ ।
टीका र जमारा लगाई मान्यजनबाट आशीर्वाद लिने क्रम घटस्थापनादेखि नौ दिनसम्म पूजा आराधना गरी विजयादशमीका दिन देवी विसर्जन गरेपछि सुरु भएको हो । देवि विसर्जन प्रश्चात प्रसाद लगाउने सिलसिला विजया दशमीको दिनदेखी कोजाग्रत पूर्णिमामा अखिलबलिपूर्तिका दिनसम्म जारी रहन्छ ।
विजयादशमीका दिनमात्र दुर्गाको प्रसाद लगाउने र आशीर्वाद थाप्ने प्रचलन पश्चिम नेपालका केही जिल्लामा रहेको छ।
कोजाग्रत पूर्णिमाका दिन अखिल बलिपूर्ति नभएसम्म नवदुर्गाको प्रसाद लगाउन शास्त्रीय रुपमा कुनै बाधा नरहेको नेपाल पञ्चाङ्ग निर्णायक विकास समितिका सदस्य एवं धर्मशास्त्रविद् प्रा डा देवमणि भट्टराई बताउनु हुन्छ ।
- न्युज बहार संवाददाता
