कार्तिक ६, काठमाडौँ । आम सर्वसाधारणहरु बडा दशैँ मनाउन शहरबाट गाउँ फर्किएसँगै काठमाडौँ उपत्यका यतिबेला सुनसान देखिएको छ । सवारीसाधन र सडकमा हिँड्डुल गर्ने मानिसहरु फाट्टफुट्ट मात्रै दख्न सकिन्छ ।
काठमाडौँ उपत्यकाका व्यस्त सडक, चोक गल्ली यतिबेला खाली भएका छन । सधैंजसो ट्राफिक जाम र सवारी साधनको हर्नले ध्वनी प्रदुषण हुने सडकहरु अहिले सान्त भएका छन । सबै तिर अहिले जनसंख्या पातलिँदै गएको छ ।
घरैपिच्छे हुने किनमेलका पसलहरु प्रायः सबै बन्द छन् । एकदमै न्युन मात्रामा सार्वजनिक यातायातका साधन पनि चलेका छन् ।
आजदेखि काठमाडौँ उपत्यकाबाट बाहिरिने मुख्य नाकाहरु कोटेश्वर, कलंकी, बल्खु, बालाजु, लगायतका क्षेत्र पनि सुनसान भएका छन । उपत्यका ट्राफिक प्रहरी कार्यालयको अनुमानित तथ्यांक अनुसार यी नाकाहरुबाट दैनिक एक लाख मानिसहरु काठमाडौं उपत्यकाबाट बाहिरिएका छन ।
यस वर्ष दसैँका लागी काठमाडौँ उपत्यकाबाट झण्डै ११ लाख मानिस बाहिरिएको अनुमान ट्राफिक प्रहरी कार्यालयले गरेको छ ।
- न्युज बहार संवाददाता
