जेठ ८, काठमाडौँ । शिक्षामन्त्री सुमना श्रेष्ठको सम्पत्ति विवरण सार्वजनिक भएको छ। मन्त्री श्रेष्ठले आफ्नो सम्पत्ति विवरण सार्वजनिक गरेकी हुन ।

उनको नाममा कुनै घर नभएको र काभ्रे जिल्लाको रियालेमा ९ लाख ९४ हजारमा संयुक्तमा जग्गा खरिद गरेको सार्वजनिक गरिएको सम्पत्ति विवरण अनुसार उल्लेख गरिएको छ । उक्त जग्गा उनले परिश्रमिकबाट खरिद गरिएको बताइएको छ ।

त्यस्तै उनले आफ्नो नाममा एनआईसी एसिया बैंक र एभरेस्ट बैंकमा १ करोड ५२ लाख रकम मौज्दात रहेको जानकारी दिएकी छन् । यी दुवै रकम मौज्दातको स्रोत उनले पारिश्रमिक रहेको खुलएकी छन ।

अर्को तर्फ उनीसँग बिहे र हजुरआमाको शेषपछि प्राप्त गरि १–१ सेट हिराको हार र हिराको टप ११ तोला सुन, बिहेका बेला उपहार पाएको १०० तोला चाँदी रहेको विवरणमा उल्लेख गरिएको छ ।

उनीसँग नबिल बैंकसहित विभिन्न कम्पनीको सेयर पनि रहेको छ । सवारी साधनमा २० लाख रुपैयाँमा खरिद गरेको ईभी गाडी र एउटा स्कुटर रहेको छ ।

• न्युज बहार संवाददाता