फागुन
३०, काठमाडौँ । सभामुख देवराज घिमिरेले अन्तरव्यवस्थापिका संघ (आईपीयु)को १४६ औं
महासभामा भाग लिन बहराइन पुगेका बेला नेपाली श्रमिकको अवस्थाबारे पनि जानकारी
लिएका छन्।
सभामुख
घिमिरे मनामास्थित नेपाली दूतावासमा मंगलबार बिहान पुगेर राजदूत तीर्थराज वाग्ले, दूतावास अधिकारी लगायतसँग नेपाली श्रमिकको
अवस्थाबारे जानकारी लिएका हुन्।
अधिकारीहरुले
राहदानी नवीकरण र भिसा प्रक्रियामा समस्या झेल्नुपरेको, बहराइनमा नेपाली श्रमिक
न्यूनतम तलबमा काम गरिरहेको लगायतका जानकारी सभामुखलाई गराएका
थिए। सभामुखका प्रमुख स्वकीय सचिव तेजप्रकाश भट्टराईका अनुसार उक्त भेटमा सहभागी अधिकारीहरुले
काठमाडौँमा बहराइनको दूतावास खोल्न सरकारले पहल गर्नुपर्ने धारणा समेत राखेका थिए।
- न्युज बहार संवाददाता
