फागुन
१९, बिराटनगर । नगर बस सन्चालनको तयारीमा विराटनगर महानगरपालिका यतिखेर खटिएर लागेको छ।
महानगरले
आगामी तीन महिनाभित्रमा १९ वटा बस सन्चालनमा ल्याउने गरी तयारी थालिएको बताएको छ।
महानगरले
लगानी बोर्ड र प्रदेश सरकारको संयुक्त सहयोगमा नगर बस सञ्चालन गर्ने तयारी गरेको
महानगरपालिका उपप्रमुख शिल्पा निराला कार्कीले जानकारी दिएकी छिन।
उपप्रमुख
शिल्पा निराला कार्कीले भनिन ‘महानगरको १९ वटै वडाभित्रको चोकहरूबाट नगर बस सञ्चालन गर्ने तयारी गरिएको छ, ‘हरेक १०-१० मिनेटको अन्तरमा नगर बस
चोकहरूमा आइपुग्ने समय तालिका छ।’
विराटनगर
महानगरपालिकाले त्यसैको तयारी स्वरूप सम्भाव्यता रुटहरूको परीक्षण पनि पूरा गरिसकेको
छ। अहिले जम्मा चार वटा रुटहरू तय गरिएको छ भने आवश्यकता अनुसार यी रुटहरू थप हुने बताईएको छ।
नगर बस
संचालनमा ल्याएपछि सिटी रिक्साको पनि व्यवस्थापन गरिने उपप्रमुखले बताइन्।
- न्युज बहार संवाददाता
