चैत
९, काठमाडौं। आज विहिवार दिउँसो काठमाडौँको चप्पल कारखानास्थित चक्रपथमा चार वटा
सवारी साधन आपसमा ठोक्किदा ८ जना घाईते भएका छन्।
आज दिउँसो उक्त स्थानमा एउटा कारले तीन वटा मोटरसाइकल र स्कुटरलाई ठक्कर दिएको जिल्ला प्रहरी परिसर काठमाडौंका प्रवक्ता एसपी सीताराम रिजालले जानकारी दिएका छन्।
एसपी रिजालले दुर्घटनामा परी ८ जना घाइते भएका र तीमध्ये एक जनालाई त्रिवि शिक्षण अस्पताल महाराजगञ्ज र अरूलाई ह्याम्स अस्पताल लगिएको जानकारी दिएका छन्।
उक्त दुर्घटनामा अन्य सवारी साधनमा पनि क्षति भएको बताइएको छ भने प्रहरीले दुर्घटनाबारे विस्तृत अनुसन्धान गरिरहेको छ।
- न्युज बहार संवाददाता
