फागुन १६, काठमाडौँ ।  सर्वोत्तम सिमेन्टको प्राथमिक सेयर (आईपीओ) मा आज अन्तिम दिन बुधबार साँझ ५ बजेसम्म १० लाख १२ हजार ३८४ जनाको आवेदन परेको छ । कम्पनीको आईपीओमा १९.३ गुणा बढी आवेदन परेको सीडीएस एण्ड क्लियरिङ कम्पनीले जनाएको छ ।

कम्पनीले कुल २७ लाख ७६ हजार ७६ कित्ताका लागि मात्रै आवेदन खुलाएकोमा यता आवेदकले कुल ५ करोड ३६ लाख ३३ हजार ९९० कित्ता माग गरेका छन् । कम्पनिको आइपिओ बापत कुल १९ अर्ब ३५ करोड रुपैयाँको आवेदन परेको छ भने आवेदककै बैंक खातामा उक्त रकम ब्लक भएको छ ।

यही तथ्यांक अनुसार आईपीओ भर्ने ९४ प्रतिशत बढीको हात रित्तो हुने भएको छ । १० लाखले आईपीओ भरेको खण्डमा ५‍.५ प्रतिशतले मात्रै आईपीओ पाउने छन् । कम्पनिको न्यूनतम ५० कित्ताका दरले सेयर बाँडफाँट गर्नुपर्ने व्यवस्था अनुसार ५५ हजार ५२१ हाराहारीले मात्रै आईपीओ पाउने छन् । बाँकी सबैको हात्त रित्तो हुने देखिएको छ ।

• न्युज बहार संवाददाता