Breaking News
आज दिउँसो नयाँ सत्ता गठबन्धनको बैठक बस्ने तयारी    ||     त्रिकोणात्मक टी-२० आई सिरिज फाइनल : उपाधीका लागि नेपाल र नेदरल्यान्ड्स भिड्दै    ||     नेपाल राष्ट्र बैंकले विदेशी मुद्राको विनिमय दर अनुसार आज अमेरिकी डलरको मुल्य कति?    ||     पश्चिमी न्यून चापीय प्रणालीको आंशिक प्रभाव जारी, तिन प्रदेशमा हिमपात    ||     नेपालकी प्रियंकारानी जोशी मिस वर्ल्डको महत्वपूर्ण विधा ‘ब्युटी विथ पर्पस’को उत्कृष्ट १० मा छनोट    ||     राप्रपा अध्यक्ष राजेन्द्र लिङ्देनले भने ‘वर्तमान सत्ता केन्द्रित चलखेलमा राप्रपा सामेल छैन’    ||     फागुन २५ गते अर्थात आउँदो शुक्रबार सर्वोत्तम सिमेन्टको आईपीओ शुक्रबार बाँडफाँट हुने    ||     नेप्सेमा पुनः तेस्रो तथा अन्तिम सर्किट ब्रेक लागेपछी आजका लागि बजार बन्द    ||     राष्ट्रपति रामचन्द्र पौडेललाई भेट्न प्रधानमन्त्री पुष्पकमल दाहाल ‘प्रचण्ड’ शीतलनिवास जाँदै    ||     अब हामी प्रतिपक्षमा रमाउनेछौँ : कांग्रेस    ||    

आम्दानिको राम्रो स्रोत बन्दै बाख्रापालन

  •   ३ महिना अघि | ८ मंसिर २०८०, शुक्रबार

मंसिर ८, कञ्चनपुर । कञ्चनपुर जिल्ला कृष्णपुर नगरपालिका१ निगालीका भक्तबहादुर विष्ट चरन क्षेत्रमा बाख्रा लैजाने तयारीमा गर्दैछन । उनले चुरे क्षेत्रमा रहेको गोठमा बाख्रा चराउनका लागि सुरसार गरेका हुन् ।

यस क्षेत्रका बासिन्दाले मङ्सिरको पहिलो हप्ता चुरेमा रहेका गोठमा बाख्रा लगेर वर्षात्को समय सुरु हुन थालेपछि मात्र तराई झर्ने गरेका छन् । विष्टले डेढ दशकदेखि परम्परागतरूपमा बाख्रापालन गर्दै आएका छन् । जमुनापारी र तोतापारी जातका सय बढी बाख्रा उनका गोठमा रहेका छन् । 

उनको वार्षिकरूपमा बाख्रापालन गरी रु पाँच लाखदेखि रु सात लाखसम्म आम्दानी हुने गरेको छ । उनले रु तीन लाख २८ हजारका खसीबोका गएको दसैँ र तिहारमा मात्रै बिक्री गरे । उनका अनुसार यी जातका खसीबोका ६५ किलोदेखि ७० किलोसम्मको हुने गरेको छ । गोठबाटै जिउँदो खसी रु पाँच सय ५० प्रतिकिलोका दरले नेपालगञ्ज, काठमाडौँलगायत क्षेत्रका व्यापारीले खरिद गरेर लैजाने गरेका छन् ।

बाख्रापालनकै कमाइबाट किसान विष्टले बेदकोट नगरपालिकाको दैजीमा घरघरेडी जोडेका छन् भने निगालीमा डेढ बिघा जग्गा खरिद गरी खेती गर्दै आएका छन्।

विष्टले बाख्रापालनसम्बन्धी कुनै पनि तालिम लिएका छैनन उनले पुरानै तरिकाले बनाइने खोरमा बाख्रा राख्दै आएका छन्। बाख्रालाई चोटपटक र रोगव्याधि लाग्यो भने उपचार पनि आफैँले गर्दै आएका छन् । 

  • न्युज बहार संवाददाता

थप