चैत ११, काठमाडौँ
। आज हिमाली एवं पहाडी जिल्लामा हर्षोल्लासका साथ होली पर्व मनाइदैँ छ । हरेक
वर्ष फागुन शुक्ल पूर्णिमाका दिन फागु पर्व मनाइने गरिन्छ । परम्परागत रूपमा
विभिन्न रङ र लोला खेली वसन्त ऋतुको आगमनसँगै आपसी मेलमिलाप र सद्भावनाको सन्देश
लिई आउने फागु पर्वलाई नेपालीहरुले महान चाडका रुपमा मनाउने परम्परा रहेको छ ।
आज
काठमाडौँको वसन्तपुरमा होली पर्वका अवसरमा उपस्थित मानिसले वातावरणलाई नै
रङ्गीचङ्गी तुल्याउँदै त्यहाँ गाडिएको चीरलाई विधिपूर्वक ढाली बाजागाजाका साथ
टुँडिखेलमा लगेर जलाउँने गर्दछन । औषधोपचारको काममा उक्त चीरमा राखिएका ध्वजापताका
काम आउने विश्वासका साथ लुछाचुँडी गरी लिने र चीरको खरानीको टीका लगाउँदा अनिष्ट
टर्छ भन्ने विश्वास रहेको छ ।
सरकारले परम्परादेखि फागु
पर्वका उपलक्ष्यमा सार्वजनिक बिदा दिँदै आएको छ । यो पर्व तराई क्षेत्रमा भने पूर्णिमाको
भोलिपल्ट मनाउने गरिन्छ ।
- न्युज बहार संवाददाता
