कार्तिक २९, काठमाडौँ । तिहारको मुख्य दिन आज भाइटीका पर्व मनाइँदै छ । दाजुभाइ दिदीबहिनीले एकअर्कालाई टीका लगाइदिएर यो दिन मनाउने गरिन्छ । यस दिन दाजुभाइ–दिदीबहिनीहरुले एकअर्कालाई टीका लगाइदिएर समृद्धि, दीर्घायु, ऐश्वर्य र येशको कामना गर्दछन् ।
दाजुभाइलाई टीका लगाइदिइसकेपछि दिदीबहिनीले ओखर, कटुस, मरमसला एवं सेलरोटीलगायतका मिठामिठा खानेकुरा दिने प्रचलन रहेको छ । त्यस्तै दाजुभाइले पनि दिदीबहिनीलाई गच्छेअनुसार सौभाग्यका प्रतीक कपडा र दक्षिणा दिई सम्मान प्रकट गर्ने परम्परा रहेको छ ।
नेपाल पञ्चाङ्ग निर्णायक विकास समितिका अनुसार आज भाइटीकाको उत्तम साइत बिहान १० बजेर ५१ मिनेटमा रहेको छ । समितिका अनुसार राज्य सञ्चालकले साइतमै टीका लगाउनु पर्ने र सर्वसाधारणले भने दिनभरी नै टीका लगाउन सकिने छ।
- न्युज बहार संवाददाता
