कार्तिक
१४, पोखरा । बिरामीका लागि गण्डकी प्रदेशको राजधानी पोखरामा रगत अभाव भएको छ । दसैँका
समयमा नियमित तालिकाअनुसार रक्तदान कार्यक्रम नहुँदा रगत अभाव भएको प्रादेशिक रक्त
सञ्चार केन्द्र पोखराले जनाएको छ ।
रक्त
सञ्चार केन्द्रमा रगत अभाव हुन थालेपछि सोमबार आकस्मिक रक्तदान कार्यक्रम आयोजना
गरेर भएपनि अस्पतालहरूमा उपचाररत बिरामीलाई तत्काल रगत अभाव रोकिएको छ । उक्त रक्तदान पोखरा–५ जिरो किमीमा गरिएको थियो । रक्त
सञ्चार केन्द्रका प्रमुख अर्जुन ज्ञवालीले सो रक्तदान कार्यक्रमबाट ४० युनिट रगत
सङ्कलन भएको बताए ।
अहिले
रगत छैन भनेपछि सबैबाट सहयोग प्राप्त भएको रक्त सञ्चार केन्द्रले जनाएको छ ।
प्रमुख ज्ञवालीले सहज रगत आपूर्तिका लागि दैनिक कार्यक्रम हुनुपर्ने बताएका
छन । केन्द्रका अनुसार प्रदेशको राजधानीसमेत रहेकाले पोखरामा दैनिक ७० देखि ७५
युनिट रगत आवश्यक पर्छ ।
- न्युज बहार संवाददाता
