मंसिर २७, काठमाडौँ । आज काठमाडौँ उपत्यकाको न्यूनतम तापक्रम ५.८ डिग्री सेल्सियसमा झरेको छ । यो तापक्रम यस वर्षको अहिलेसम्मकै कम हो ।

जल तथा मौसम विज्ञान विभागको मौसम पूर्वानुमान महाशाखाका अनुसार आगामी दिनमा न्यूतम तापक्रम अझै घट्ने र जाडो बढ्ने सम्भावना रहेको रहेको छ ।

आज बिहान पौने ६ बजे काठमाडौँको न्यूनतम तापक्रम ५.८ डिग्री सेल्सियस मापन भएको र यो यस वर्षको अहिलेसम्मकै कम तापक्रम भएको महाशाखाका मौसमविद सरोज पुडासैनीले जानकारी दिएका छन । मौसमविद पुडासैनीले भने, ‘केही दिनयता न्यूनतम तापक्रम घट्दै गइरहेको छ, तापक्रम अझै घट्ने र जाडो बढ्ने सम्भावना रहेको छ ।’

आज बुधबार दिउँसो काठमाडौँको न्यूनतम तापक्रम १७ देखि १९ डिग्री सेल्सियसको बीचमा रहने पूर्वानुमान गरिएको मौसमविद पुडासैनीले जनाएका छन । मंगलबारदेखि चिसो मौसमी प्रणाली नेपाल प्रवेश गरेको र त्यो कम्तिमा बुधबारसम्म रहने मौमविदले जनाएका छन भने आजको तुलनामा भोलि (बिहीबार) मौसम सफा हुने पुर्वानुमान गरिएको छ ।  

• न्युज बहार संवाददाता