कात्तिक १६, काठमाडौँ । आज यमपञ्चक अर्थात् तिहारको औँसीको दिन हो। नेपाल पञ्चाङ्ग निर्णायक विकास समितिले आज औँसीको दिन भए पनि आज कुनै तिहारको पर्व भने नपरेको जनाएको छ ।

औँसीको बेलुकी गरिने गरिने लक्ष्मीपूजा बिहीबार नै बेलुका गरिएको छ  भने भोली शनिबार औँसीसहित कार्तिक शुक्ल प्रतिपदा भएका दिन गरिने गाई पूजा परेको समितिले जनाएको छ ।

आज नेपालको कतिपय ठाउँमा गाईपुजा गरिने गरियता पनि तिथीका अनुसार तिहारका अवसरमा गरिने गाई पूजा भने भोली शनिबार नै गर्नुपर्ने छ । यसैले आज शुक्रबार तिहारको केही पर्व नरहेकोले गाईतिहार पनि शनिबार नै मनाइनेछ । 

समितिले तिहारका सम्बन्धमा जारी गरेको विज्ञप्ति अनुसार आज तिहारको कुनै पर्व नपरे पनि औँसी आफैँमा पर्व रहेको छ । प्रत्येक महिनाको औँसीलाई पर्व नै मानिन्छ त्यसैले औँसीमा विशेषगरी पितृकर्म हुने गरेको छ ।

समितिका अध्यक्ष प्रा श्रीकृष्ण अधिकारीले यो वर्ष तिथिको घटबढका कारण औँसीमा सूर्योदय भएको आजको दिन कुनै पर्व नपरेको  जानकारी दिएका छन । उनका अनुसार तिथिका आधारमा केही वर्षका अन्तरालमा यस्तो संरचना हुने गरेको छ । 

• न्युज बहार संवाददाता