बैशाख
१६, काठमाडौँ । आइतबार साताको पहिलो कारोबार दिन नेप्से परिसूचकमा हरियाली छाएको छ
। आज नेप्से र कारोबार रकम दुबै बढेर बन्द भएको हो ।
आइतबार नेप्से परिसूचक
१४.३३ अंक(०.७२ प्रतिशत)ले बढेर १९८०.२७ विन्दुमा बन्द भएको छ ।
आज नेप्सेसँगै कारोबार रकम पनि बृद्धी भएको छ । यस दिन
३०८ स्टकको ४८ हजार १८३ पटकको कारोबारमा २ अर्ब ६८ करोड २५ लाख रुपैयाँ बराबरको ६८
लाख ७८ हजार कित्ता शेयर खरिदबिक्री भएको छ ।
आज बजारमा पोखरा
फाइनान्सको शेयरमूल्य सर्वाधिक ९.८४ प्रतिशतले बढेको छ भने कारोबारमा आएको
रिभरफल्स पावरको शेयरमूल्य सर्वाधिक ४.६३ प्रतिशतले घटेको छ।
यस दिन कारोबार रकमका आधारमा पोखरा फाइनान्स शीर्ष
स्थानमा रहेको छ। उक्त कम्पनिको यस दिन १३ करोड ५ लाख रुपैयाँब राबरको शेयर
खरिदबिक्री भएको छ।
यस दिन १३ उपसमूहमध्ये १२ उपसमूहको परिसूचक बढेको छ भने
एक उपसमूहको परिसूचक घटेको छ। यस दिन सर्वाधिक ३.९८ प्रतिशतले वित्त उपसमूहको
परिसूचक बढेको छ। आज ०.३४ प्रतिशतले व्यापार उपसमूहको परिसूचक घटेको छ ।
- न्युज बहार संवाददाता