साउन ४, काठमाडौँ । बालबालिका ऐन २०७५ को कसुर अनुसार किशोरीलाई आर्थिक प्रलोभनमा पारेर अवैध डिम्ब बेचबिखन गर्दै आएका होप फर्टिलिटी एन्ड डाइग्नोस्टिक क्लिनिक सञ्चालकसहित अन्य कर्मचारीलाई मुद्दा दर्ता गरिएको छ ।
५ जनालाई
बालबालिका ऐन २०७५ को दफा ६६ बमोजिम मुद्दा दर्ता गरिएको प्रहरी केन्द्रीय
अनुसन्धान ब्युरो (सीआइबी) ले जनाएको छ ।
डा.
स्वस्ति शर्मा, असिम
अधिकारी, मलिनी
चौधरी, अलिसा ओली
र जस्टिना प्रधानलाई मुद्दा चलाइएको सीआईबीका प्रवक्ता युवराज खड्काले जानकारी
दिएका छन ।
प्रहरीले १८
वर्ष नपुगेका किशोरीलाई आर्थिक प्रलोभन देखाएर कारोबार गरेको भन्दै सूचना आएपछि अनुसन्धान
गरेको थियो । डिम्ब निकालिएका दुई किशोरीमा स्वास्थ्य समस्या आएपछि उनीहरूले नै
उजुरी दिएका थिए ।
- न्युज बहार संवाददाता
